Ai e konsideron veten si të “rehabilituar” dhe se mund të përfitojë lirinë me kusht, duke kërkuar nga gjykata që t’i përllogariten ditët e vuajtjes së dënimit.
Kjo gjë po ndodh me Myrteza Caushin, ish-kapobandën e Vlorës në vitin 1997, i cili për të disatën herë është kthyer edhe sot në Gjykatën e Korçës, për seancën e përllogaritjes së ditëve të vuajtjes së dënimit në burg.
Zani Caushi është i dënuar me burg të përjetshëm, por kërkon një përllogaritjeve të ditëve që ka vuajtur në burg, teksa prej vitesh tashmë ai vuan dënimin në burgun e sigurisë së lartë në Drenovë.
Herën e fundit, Caushi, u paraqit më datën 6 nëntor në Gjykatë, por seanca u shty për shkak se mungonin si prokurori dhe avokati i çështjes, teksa e radhës është caktuar pikërisht sot.
Në fakt, Caushi, ka kërkuar të lirohet nga burgu dy herë këtë vit. Njëherë për shkak se pretendonte që kishte kryer 25 vite burg dhe është rehabilituar duke shtuar faktin se, ishte dhe familjar.
Ai kërkoi lirim me kusht por u tërhoq. Më pas ngriti tezën se, duhet t’i njihen vitet në paraburgim dhe duhet të lirohet.
/Video: BW/GazetaReforma.com/
