Përpos ngjarjes së ndodhur në Kavajë ku një vajzë 13-vjeçare u abuzua seksualisht nga tetë djem, një tjetër ngjarje ka bërë bujë në të dyja vendet Kosovë e Shqipëri.
Bëhet fjalë për ngjarjen e vajzës 16-vjeçare nga Drenasi, e cila është abuzuar fillimisht seksualisht nga mësuesi dhe më pas nga oficeri i policisë tek i cili kishte bërë denoncimin për mësuesin.
Megjithatë sot ka vendosur që të flas, edhe pse e kthyer me kurriz dhe me zë të modifikuar, vajza ka treguar ngjarjen nga fillimi dhe gjithashtu ka pohuar se ditën e sotme ka nguruar që të paraqitet në shkollë dhe kjo sepse bashkëmoshtarët tashmë e kanë kuptuar se për kë bëhet fjalë.
Gjatë videos, vajza rrëfen se ngjarja ka ndodhur në vitin 2016, me 14 shtator. Ajo ishte vetëm 16 vjeç kur mësuesi i informatikës filloi ta ngacmonte me mesazhe në Facebook, e pastaj shkoi në dhunë seksuale. Ajo tregon se profesori e kishte çuar me makinë afër një stadiumi dhe aty e përdhunoi. Për 16- vjeçaren, kjo ishte edhe hera e parë që kryente marrëdhënie.
E vendosur për të kërkuar drejtësi, vajza shkoi të denonconte profesorin Shkëlzen Xhekaj në polici. Edhe kësaj radhe ajo ra pre e një tjetër dhunuesi, hetuesit të policisë, Vesel Veseli.
