Ministri gjerman i Shtetit për Evropën në Ministrinë e Jashtme të Gjermanisë, Michel Roth, ka reaguar me anë të një postimi në rrjetet sociale lidhur me hapjen e negociatave për Shqipërinë dhe Maqedoninë e Veriut.
Ministri gjerman iu bën thirrje vendeve anëtare të Bashkimit Evropian që të mendojnë në mënyrë strategjike dhe të kuptojnë se duhet të përmbushin detyrimet ndaj Shqipërisë dhe Maqedonisë së Veriut.
“Ju lutem, lejoni që çështjet dypalëshe të trajtohen në mënyrë bilaterale, pa bllokuar gjithë ecjen përpara. Le të mendojmë në mënyrë strategjike dhe të kuptojmë se duhet të përmbushim detyrimet tona ndaj Shqipërisë dhe Maqedonisë së Veriut tani. Faleminderit!”, shkruan ministri Roth.
Kujtojmë se ministri gjerman edhe më parë i ka bërë thirrje Evropës që të mbaj premtimin, për çeljen e negociatave për Shqipërinë dhe Maqedoninë e Veriut. Gjithashtu ai ka thënë se e ardhmja e Ballkanit Perëndimor është europiane.
“Ka ardhur koha që BE të mbajë premtimet për të nisur bisedimet për anëtarësimin e Maqedonisë së Veriut dhe Shqipërisë. E ardhmja e Ballkanit Perëndimor është evropiane – të veprojmë tani me vendosmëri, që të mos ketë dyshime më vonë për të”, ka shkruar Roth.
Kujtojmë gjithashtu se Holanda i ka dhënë dritë jeshile Shqipërisë , për mbajtjen e konferencës së parë ndërqeveritare e cila pritej të zhvillohej ditën e sotme.
