Presidenti grek Prokopis Pavlopulos ka dërguar mesazhe drejtuar Shqipërisë, Maqedonisë dhe Turqisë.
Nga Kroacia, ku ndodhet sot për vizitë dyditore, ai tha se integrimi i këtyre tre vendeve në BE realizohet vetëm me kushtin bazë të respektimit në tërësi të së drejtës europiane dhe ndërkombëtare.
Për Shqipërinë presidenti grek është shprehur “Greqia mbështet perspektivën evropiane, por të qartësojmë se ky hap parashikon respektimin e plotë dhe të sinqertë të së Drejtës Europiane e Ndërkombëtare, çfarë është e vetëkuptueshme. Domethënë, respektimin e të gjitha të Drejtave bazë të Njeriut.
Si rrjedhim, trajtime të ngjashme me të kohëve të fundit kundër minoritetit etnik grek, të cilët nënvleftësojnë brutalisht vlerën e jetës njerëzore apo cënojnë haptazi të drejtat themelore, si për shembull, e drejta e pronësisë, përbëjnë një pengesë të pakapërcyeshme për ecurinë normale të procedurave të Shqipërisë.”
