Kur kanë mbetur dhe tre muaj nga zhvillimi i Samitit të Zagrebit në maj, ku do diskutohet rreth negociatave të BE me Shqipërinë, duket se Holanda ende nuk është bindur për të dhënë dritën jeshile.
Pas Parlamentit të Gjermanisë, i cili vendosi nëntë kushte për hapjen e negociatave, Gazeta “Si” raporton se Parlamenti holandez mund të ketë disa kushte të mëtejshme për hapjen e negociatave me vendin tonë.
Në një kohë kur Angela Merkel po bindet nga performanca e Shqipërisë, pasi nuk do të vendosë kushte të mëtejshme, duket se Holanda nuk është ende e sigurtë.
Kushtet e reja priten të parashtrohen në fund të këtij muaji, kur liderët e BE-së të mblidhen për të marrë vendimin.
Mësohet se një nga kërkesat vijon të mbetet lufta kundër krimit dhe drogës, sepse rritja e kriminalitetit shqiptar në Holandë është bërë shkak kryesor për veton e shtetit holandez.
Një nga kushtet e Holandës për hapjen e negociatave është edhe lufta kundër korrupsionit, që është bërë i ditur dy muaj më parë nga Ministri i Jashtëm holandez, Stef Blok në një intervistë për mediat kroate.
Blok tha aso kohe se Shqipëria nuk po arrin rezultate të prekshme në luftën kundër krimit, pavarësisht presionit të BE-së.
Kujtojmë se në qershor të këtij viti, parlamenti holandez votoi kundër fillimit të negociatave me Tiranën dhe votoi për rikthimin e vizave, duke vënë në dukje se ka pasur një rritje të konsiderueshme në aktivitetet kriminale nga mafia shqiptare në Holandë.
Ndërkohë deri tani shtetet e tjera kanë patur një qëndrim pozitiv, përfshirë këtu edhe Francën e cila ka deklaruar se do të japë miratimin nëse Komisioni Europin rekomandon hapjen e negociatave.
Drita jeshile është pritet të jepet edhe nga vende të tjera përfshirë këtu Greqinë dhe Kroacinë, një nga vendet më mbështetëse të Shqipërisë.
3 muaj nga Samiti i Zagrebit, shtohen qëndrimet pro hapjes së negociatave për Shqipërinë
Në tetor të vitit që lamë pas u zhvillua Samiti i Brukselit, por dështoi pasi Macron kërkoi që negociatat të mos hapen duke kërkuar reformim të BE, teksa në shkurt të këtij viti Komisioneri i BE-së për Zgjerimin dhe Fqinjësinë, Oliver Varhelyi, prezantoi metodologjinë e re të zgjerimit të Komisionit që u prit pozitivisht.
Megjithatë ka patur edhe zyrtarë europian që i kanë përshkruar ndryshimet si thjesht kozmetike, të dizajnuara kryesisht për të kënaqur presidentin francez Emmanuel Macron dhe për ta bindur atë të japë dritën jeshile për hapjen e bisedimeve të pranimit me dy vendet e Ballkanit në muajt e ardhshëm.
Vetë kryeministri Rama nuk është treguar shumë optimist, teksa në konferenën “Një kontinent një e ardhme” u shpreh i shqetësuar rreth integrimit të Shqipërisë në Bashkimin Europian.
Rama deklaroi se procesi i integrimit po bëhet më i vështirë për vendet që janë në pritje për t’u anëtarësuar teksa shfajsoi qeverinë për dritën jeshile që nuk iu dha Shqipërisë për të filluar bisedimet.
Rama kunja BE? “Për më të vegjlit rregullat s’respektohen, për të fortët ka gjithmonë një rrugë”
