Gjatë seancës parlamentare që po mbahet pasditen e sotme Ministrja e Shëndetësisë, Ogerta Manastirliu ka reaguar pas akuzave të bëra publike në Kuvend nga kryetari i PD-së, Sali Berisha, ku sipas tij prej 30 ditësh mungonte insulina në vend.
Gjatë replikës së saj, Manastirliu tha në fjalën e saj se në treg janë të gjitha insulinat dhe se ato rimbursohen nga shteti.
“S’do bëj replikë se e dimë shumë mirë në këtë sallë se personi që ngrihet këtu dhe thatë të pavërtëën është ai q shpreson se njerëzve t’ju fshihet kujtesa. Arsimi i madh i juaj është kujtesa. Njerëzit e dinë mirë se si e keni lënë shëndetësinë. Ajo që thatë është e pavërtetë. Në librin e rimbursimeve janë 17 lloj insulinash. 1.5 mln lekë për rimbursimin e insulinave, Farmacitë që tregtojnë bashkë ka 17 lloj insulinash. Meqë përdorët dhe procedurat që ndjekin spitalet tona, QSUT, ju ftoj që mos të hidhni baltë, Koha juaj ka ikur një herë e mirë, e s’do kthehet më. QSUT, nëpërmjet agjencisë së blerjes së përqendruar, është duke realizuar një procedurë që të mobilojë Spitalin e Sëmundjeve të brendshme. Janë spitale të reja që po ndërtohen në vendin tonë. Mos vijoni gënjeni dhe mashtroni, Shqiptarët ju mbajnë mend si njeriu i Gërdecit, i 97”, tha ajo.
Ndërkohë, Berisha iu kundërpërgjigj sërish ministres Manastirliu duke shtuar se; “Ky zotëri thotë se insumandrapit dhe insultart mungon dhe është pa mjekim. Kur merresh me justifikimin e shtratit dopio në zyrë, këto nuk të duken gjë. Mund të flasësh një ditë të tërë, dhe s’mund të më japësh një argument se pse u dashka që drejtoresha të porosit shtrat dopio. Zonja Konomi përmendi këshillin e Sigurimit, mos e lavdëro për meritat e mia, se e dëmton atë. Vetëm sa e ul më poshtë. Janë të gjitha angazhimet e qeverisë së mëparshme.”.
