Burgjet shqiptar kanë shënuar viktimën e parë nga Covid-19. Raportohet se nga burgu i Drenovës ka ndërruar jetë për shkak të infektimit me Covid-19, 74-vjeçari Çaush Banaj, i cili ishte dënuar me 25 vite burg për vrasje me dashje nga Gjykata e Fierit në vitin 2000.
I dënuari i moshuar ishte i shtruar në spitalin Covid-2, Shefqet Ndroqi, ku dhe ka ndërruar jetë, ndërsa ka pasur edhe sëmundje të tjera shoqëruese.
Mësohet se përpara se të shtrohej te “Shefqet Ndroqi”, 74-vjeçari ka qenë i shtruar paraprakisht në Spitalin e Korçës e më pas te Infektivi.
Sipas raportimeve, i infektuar me Covid është edhe djali viktimës, Enkelejd Banaj, i dënuar gjithashtu me 23 vite burg për vrasje, por që është me simptoma të lehta.
Të dy të burgosurit, babë e bir, akuzohen për vrasjen e tre personave në Mallakstër, në vitin 1997.
Kujtojmë se më herët u raportua se në burgun e Drenovës ka shkuar në 10 numri i të prekurve nga virusi.
Ndërsa në burgun e Shënkollit në Lezhë, po trajtohen 40 të burgosur të prekur nga Covid.
Në vendin tonë deri më tani janë 10553raste pozitive dhe 321 humbje jete si pasojë e Covid.
Kush është i dënuari 74-vjeçar Çaush Banaj?
74-vjeçari Çaush Banaj, ishte dënuar me 25 vite burg për vrasje me dashje nga Gjykata e Fierit në vitin 2000.
Ai së bashku me djalin e tij, Enkelejd Banaj, i dënuar gjithashtu me 23 vjet burg, janë të akuzuar për vrasjen e tre personave në Mallakastër në vitin 1997.
Babë e bir po vuanin dënimin për vrasjen e trefishtë në burgun e Drenovës.
