Incident tek inceneratori i Tiranës, mes rojeve private të kompanisë dhe dy drejtuesve të PD-së, Këlliçi dhe Zhupa.
“Erion Veliaj, në mënyrë të paturpshme ka përdorur sot punonjësit e kompanisë private për të na agresuar, intimiduar dhe për të na ndaluar në kryerjen e misionit tonë si opozitë për të denoncuar aferat korruptive”, deklaron drejtuesi i Forumit Tinor të PD-së, Bëlind Këlliçi, i cili ishte sot tek Inceneratori i Sharrës, në Tiranë.
“Pasi jemi larguar për pak çaste për të kuptuar më së shumti se çfarë po ndodhte jemi ndjekur me makina private me targat AA024RR, tip Skoda dhe AA 674KY, tip Mitsubishi, të drejtuara nga punonjësit e kompanisë, të mbushura me punonjës të kompanisë për të na shoqëruar jashtë dhe për të na përzënë nga ambienti që rrethonte “Landfillin e Sharrës”. Kemi shkuar sot për të denoncuar në një ambient, në një territor ku është vend krimi. Nuk ka asnjë shqiptar sot se 4 vite më parë kjo skenë krimi, i riu 17 vjeçar Ardit Gjoklaj ka humbur jetën. Jemi penguar me forcë, verbalisht jemi agresuar nga punonjësit për të thënë disa të vërteta shumë të mëdha”, deklarojnë Belind Këlliçi dhe Ina Zhupa.
/GazetaReforma.com/
