Një incident i frikshëm ka ndodhur pasditen e djeshme menjëherë pas shfaqjes së teatrit “Migjeni”, të quajtur “Anmiku në Shtëpi” e Ernest Koliqit.
Një copë muri u shkëput nga fasada e një ndërtese të vjetër në lagjen “Gjuhadol” dhe goditi në trup aktorin Nikolin Ferketa, i cili mori një dëmtim, por është jashtë rrezikut për jetën. Aty afër ishin edhe fëmijë të vegjël, të cilët kishin ardhur me prindërit e tyre për të ndjekur këtë shfaqje.
Shpeshherë është ngritur ky alarm për ndërtesat e vjetra që nuk kanë asnjë lloj sigurie në Shkodër dhe në total janë të paktën 28 të tilla. Institucionet vijojnë të heshtin ndaj kësaj problematika ndërsa kalimtarët janë të rrezikuar gjithmonë.
Që të mos vihet dorë për restaurim në ndërtesat e teatrove, është padiskutim një gjë e pakuptimtë dhe një gabim i madhe i qeverive dhe i Bashkive, që lënë godina kulturore e artistikë në mëshirë të fatit. Sot u dëmtua aktori Nikolin Ferketa, nesër mund të dëmtohet dikush tjetër.
E pse? Që t’i japë sadopak lumturi fëmijëve që po e shihnin. Nikolin Ferketa dhe kolegët e tij, e bëjnë për pasion, për të lumturuar dhe kulturuar sado pak pulbikun e tyre, pasi për teatrot dhe për pagat qesharake që marrin, nuk ia vlen as të ngrihen nga divani i shtëpisë së tyre.
