Inceneratorët janë kryefjala e këtyre ditëve në Shqipëi për shkak të aferave që janë bërë me to.
Së fundmi Partia Demokratike akuzoi sot kryebashkiakun e Tiranës Erion Veliaj se po u bën presion ndërtuesve në kryeqytet për t’i shkarkuar lëndët inerte dhe dherat në landfillin e Sharrës me qëllim që të përfitohet 40 milionë euro nga inceneratori i Tiranës. Në një postim në faqen e saj zyrtare në Facebook, selia blu shton se nëse ndërtuesit nuk ndjekin urdhrin e Veliajt, ata nuk përfitojnë leje ndërtimi. Sipas PD, kryetari i bashkisë së Tiranës po vepron në mënyrë anti-ligjore dhe pa vendim të Këshillit Bashkiak të Tiranës.
POSTIMI I PD
Kryebashkiaku i Tiranës, Erion Veliaj, u bën presion ndërtuesve që të gjitha dherat dhe inertet, që dalin nga ndërtimet në Tiranë, të shkojnë në landfillin e Sharrës, në mënyrë anti-ligjore, pa një vendim të Këshillit Bashkiak dhe nën presionin e Bashkisë Tiranë ndaj ndërtuesve.
Ky urdher i Veliajt i mundëson Inceneratorit të Tiranës të përfitojë 40 milionë euro shtesë.
Në rast refuzimi Veliaj nuk u jep leje ndërtimi.
430 milionë euro kanë shkuar në xhepat e pushtetarëve të lidhur me Klodian Zoton, Mirel Mërtirin, Stela Gugallën.
Edi Rama, Engjëll Agaçi, Arben Ahmetaj, Damian Gjiknuri, Lefter Koka, Erion Veliaj kanë vepruar si një grup i strukturuar kriminal.
Asgjë nuk do të ishte e mundur pa dijeninë dhe miratimin e Edi Ramës.
Edi Rama është i korruptuar.
Qeveria e tij është e korruptuar.
Me këta në krye, Shqipëria nuk mund të ketë zhvillim.
