Gjykata e Posaçme ka shpallur vendimin për çështjen e Inceneratorit të Tiranës, duke dënuar disa të pandehur për abuzime të lidhura me dhënien e koncesionit të inceneratorit.
Ish-ministri i Mjedisit, Lefter Koka, është dënuar me 3 vite burg, me ulje të dënimit për 1/3 për shkak të gjykimit të shkurtuar. Në fund, Gjykata vendosi shuarjen e masës së sigurimit.
Bledar Karoli është dënuar me 3 vite burg, por për shkak të gjykimit të shkurtuar, dënimi u reduktua në 2 vite, ndërkohë që u vendos ndalim nga ushtrimi i funksioneve publike për 5 vite.
Taulant Tushe gjithashtu ka marrë 3 vite burg, me ulje të dënimit në 2 vite dhe një ndalim 5-vjeçar nga funksionet publike.
Prokuroria akuzoi të pandehurit për ndihmën që ata ofruan në shkeljen e ligjit lidhur me dhënien e koncesionit të inceneratorit të Tiranës, duke përfshirë administratorët Klodian Zoto dhe Mirel Mërtiti.
Gjykata vendosi gjithashtu:
Jetmir Llapaj shpallet i pafajshëm.
Namik Simixhiu u dënua me 3 vite burg, dënimi ulet në 2 vite, dhe i është hequr e drejta për të ushtruar funksione publike për 5 vjet.
Valbona Ballgjini mori 2 vite burg, që me gjykim të shkurtuar u shndërruan në shërbim prove, ndërkohë që do të jetë e ndaluar nga funksionet publike për 5 vjet.
Sidita Kopliku u dënua me 1 vit e 6 muaj burg, e reduktuar në 1 vit me gjykim të shkurtuar, i cili do të konvertohet në punë në të mirë të publikut dhe 5 vjet ndalim nga funksionet publike.
Fatjon Murati u dënua me 3 vite burg, i cili me gjykim të shkurtuar u ul në 2 vite dhe u ndalua nga funksionet publike për 5 vjet.
