Ditën e sotme Deputetja e Partisë Demokratike, Jorida Tabaku ka sjellë fakte të reja për cështjen e inceneratorëve. Me një postim në Facebook, Tabaku shkruan se inceneratori i Elbasanit nisi nga një kafe e kryebashkiakut të asaj kohe Sejdini me Klodian Zoto. Pas kafesë Elbasani shpallet në një “një situatë të jashtëzakonshme të mbetjeve.
Më tej ajo ka vazhduar me inceneratorin e Tiranës duke u shprehur se duhet folur për ato 430 mln euro kanë shkelur edhe mbi jetën e një njeriu, një kontratë prej 129 mln euro, me TVSH dhe me gjithë të gjitha kostot e tjera shtesë e çuan 179 mln euro.
Postimi
Ne nuk heshtëm dhe nuk do heshtim për Inceneratorët dhe korrupsionin!
Dua të falënderoj të gjithë gazetarët që me guxim kanë vazhduar të reflektojnë këtë aferë, edhe kur shumë mikrofona na janë fikur. Edhe kur para një muaj PD depozitoi kërkesën për komision hetimor.
Fatkeqësisht mediat e bojkotuan. Ashtu siç na kanë bojkotuar këto muaj masivisht. Unë dua t’ju tregoj disa fakte që më shumë se çdo retorikë politike tregojnë qëndrueshmërinë e PD në denoncimin e kësaj afere.
Dua t’ju tregoj disa fakte që më shumë se çdo retorikë politike tregojnë qëndrueshmërinë e PD në denoncimin e kësaj afere.
Departamenti Antirkorrupsion në PD për herë të parë në 2015-ën ngriti flamurin e kuq dhe tha “po ngrihet një procedurë koncesioni nga asgjëja”
Me pas shkuam në interpelancën e shkurtit 2018 ku përballë kishim Damian Gjiknurin dhe më pas Arben Ahmetaj.
Të dy këto ngjarje u pasuruan me prova nga investigimet e mediave derisa erdhëm në denoncimet konkrete të PD që dorëzoi në SPAK.
Si ndodhi? Inceneratori i Elbasanit nisi nga një kafe e kryebashkiakut të asaj kohe Sejdini me Klodian Zoto. Pas kafesë Elbasani shpallet në një “një situatë të jashtëzakonshme të mbetjeve, duhet të hapim një procedurë konceisoni për incenerimin”.
Po brenda ditës arrin shkresa. Lefter Koka e pret brenda ditës Klodian Zoton dhe po brenda ditës hap procedurën e koncesionit dhe brenda ditës merr ofertën e pa kërkuar nga Klodian Zoton.
Pse Qazim Sejdini nuk është arrestuar? Ai e ka iniciuar këtë procedurë që u konkludua me 17 procedura brenda datës 16 dhjetor 2014.
Në këto 17 procedura brenda ditës kanë qenë të përfshirë përpos ministrit Koka edhe Ministria e Ekonomisë, Ministria e Financave, Ministria e Infrsatrukturës, Ministria e Drejtësisë dhe shefi i APP. Përse nuk janë arrestuar?
Përse nuk arrestohet Arben Ahmetaj ministri që ka dhënë dakordësinë si ministër i Ekonomisë? Përse nuk arrestohet Damian Gjiknuri që ka dhënë ok si ministër i Infrastrukturës? Pse nuk janë përpara drejtësisë?
Por krimi më i madh në fakt është për inceneratorin e Tiranës. Një jetë, një i ri sot nuk jeton më për inceneratorin e Tiranës.
Nuk e kam bërë kurrë, nuk e kam përmendur kurrë vdekjen për politikë. Por sot ne mund të flasim se ato miliona euro, 430 mln euro kanë shkelur edhe mbi jetën e një njeriu.
Inceneratori i Tiranës që nisi me një kontratë prej 129 mln euro, me TVSH dhe me gjithë të gjitha kostot e tjera shtesë e çuan 179 mln euro.
KLSH thotë se është një kontratë që shkon deri në 400 mln euro. Sepse a e dini që për këtë kontratë rriskun nuk e mban koncensionari por e mban buxheti i shtetit?! Që pagesa rritet çdo dite edhe për inceneratorin e Tiranës.
Dhe të treja bashkë, në shembullin e tyre unik, janë kontrata me çelësa në dorë.
Që do të thotë se ne momentin që parë që janë firmosur, kontrata ka filluar pagesa.
Inceneraotri i Elbasanit ka filluar pagesa 22 mln. 26 mln kanë shkuar për inceneratorin e Fierit.
PD-në nuk ka kush ta trembë për një aferë që e ka ndjekur vetë nga dita e parë dhe e ka denoncuar pa droje.
