Ish-ministri i Mjedisit Lefter Koka është arrestuar me akuzat e shpërdorimit të detyrës, pastrimit të parave dhe korrupsionit.
Ndërkohë ka reaguar biznesmeni dhe dhëndri i ish-kryeministrit Berisha, Jamarbër Malltezi në lidhje më dosjen e inceneratorëve,
Në një postim në rrjetet sociale, Malltezi shkruan se dosja e inceneratorëve, duhet hetuar si grup i strukturuar kriminal jo thjesht shpërdorim detyre. Gjithashtu Malltezi ka hedhur ka hedhur akuza të forta edhe ndaj Lulzim Bashës, për të cilin thotë se ndan pazare me Edi Ramën. Ndër të tjera Malltezi shkruan se Lulzim Basha vonoi një vit padinë për inceneratorët në SP
“Inceneratorët janë korrupsioni më masiv i Rama-Ahmetaj-Koka-Bllako që përdorën bedelet Klodian Zoto e Mirel Mertiri për të përlarë qindra miliona euro. Nuk ka nevojë për prokuror të zotin për ta zbuluar, mjafton kjo video. Koka e Bllako ishin si lukuni ujqish por kjo gjë nuk realizohej dot pa Edi Ramën. Se Mjedisi nuk i kishte ato qindra miljona €. U desh miratimi i shokut të Zoto-Mertiri (Ahmetaj) dhe i Edi Rames qe te hapej thesi dhe të jepeshin qindra miliona € që nuk i kishin parashikuar as ne buxhet fare. Por kur deputeti Basha ndan pazare me Edi Ramën e shoku i tij pi kafe me Ahmetaj, pastaj bën gjasme dhe nuk ndihesh për aferat.
1 vit e vonoi Basha depozitimin në SPAK të padisë për inceneratorët. Pse? Shpresoj të hetohet plotësisht e jo thjesht procedura, të shihet si kanë vepruar si grup i strukturuar kriminal jo thjesht shpërdorim detyre.”, shkruan Malltezi.
