Rikthehet në vëmendje dhe një herë çështja e shumëpërfolur e inceneratorëve në Fier, Elbasan dhe Tiranë. Bëhet fjalë për aferën e 400 milionë eurove që duhen për ndërtimin e tyre në qytetet përkatëse.
Disa nga akuzat e bëra për këto ndërtime ishte vlera shumë herë më e lartë nga tregu, gjithashtu dhe mungesa e standarteve dhe procedura klientaliste.
Fillimisht ka qenë kreu i opozitës ai që inicoi akuzat e rënda kundër qeverisë dhe kyreministrit Edi Rama.
Gati pesë muaj më parë, PD paralajmëroi të dhëna dhe fakte për këtë skandal. Për gati një muaj Basha në daljet publike tha se me provat që zotëronte Partia Demokratike, do të kryqëzoheshin jo vetëm pronarët e incenatorëve por dhe drejtuesit e politikës.
Në momentin kur do të hidhej hapi i fundit, ku të gjitha faktet e provat duheshin çuar në SPAK, ku dosjet apo kallëzimet e rregjistruara në institucionin hetimor të plotësoheshin me faktet dhe provat që kishte PD, gjithçka ra në heshtje.
Pas kësaj harrese, inceneratorët u rikthyen në vëmendje nga LSI, kësaj rradhe nga kryetarja Monika Kryemadhi.
Këtë të mërkurë në një deklaratë për mediat, Kryemadhi ka denoncuar publikisht skandalin e paralajmëruar dy ditë më parë për landfillin e Tiranës.
Sipas saj ajo zotëron të gjithë dokumentacionin përkatës të detajuar në lidhje me skandalin e ndodhur në këtë landfill, ku është shprehur se do ti dërgojë në SPAK për të parë dhe identitetin e vërtetë të këtij instuticioni.
“Ashtu siç kam deklaruar dy ditë më parë, do të paraqes sot të vërtetat tronditëse, të dokumentuara, se si ministra, shtetarë dhe drejtues të tjerë të lartë të shtetit kanë kryer vjedhjen më të madhe të dokumentuar në 100 vite shtet.”, është shprehur Kryemadhi.
Kryemadhi, në deklaratën për mediat shpjegoi sesi institucionet ngurronin për të dhënë “OK” për ndërtimin e incineratorit të Tiranës.
Sipas saj Arben Ahmetaj është shmangur, ndërsa këmbëngulja është bërë nga ana e Lefter Kokës.
Por ajo që të lë në dyshim është a do ti shkohet deri në fund këtij denoncimi, çështja që fillimish u ngrit nga PD e më pas u la në harresë.
Mos ndoshta dhe LSI bën zhurmë para zgjedhjeve e do ta harrojë njësoj sikurse Basha?
