Biznesmeni Ilir Rrapaj dëshmon sot para Komisionit Hetimor të Sterilizimit dhe Check Up-it. Ai është shoqëruar nga policia dhe paraqitet me pranga në duar, duke mbajtur dokumente me vete.
Rrapaj akuzohet për lidhje me çështjen e Sterilizimit, së bashku me ish-ministrin e Shëndetësisë, Ilir Beqaj, ish-zv/ministrin Klodian Rrjepaj dhe gjashtë të tjerë.
Ish-zv/ministri Klodian Rrjepaj dhe përfituesi i koncesionit, Ilir Rrapaj, janë në pranga që prej gushtit të vitit të kaluar.
Po ashtu, gjashtë ish-zyrtarë të Ministrisë së Shëndetësisë, anëtarë të komisionit të koncesionit të sterilizimit, do të përballen me gjykatën.
Përkujtojmë se Klodian Rrjepaj ka dëshmuar në komision më 20 shtator.
Lista e personave që do të pyeten sot janë:
Ora 9.30 Ilir Rrapaj
Ora 14.00 Anila Denaj
Ora 16.00 Altin Fani
Ora 18.00 Umbro Staccini
Ora 19.00 Elisabetta Anzanello
Ora 20.00 Giorgio Tardioli.
