Ilir Meta, kreu i Partisë së Lirisë, ka shprehur shqetësimin e tij për mungesën e ndihmës ndaj fermerëve në Shqipëri, duke akuzuar qeverinë për shpenzime të larta në projekte paqartë. Ai gjithashtu ka bërë kritika ndaj rrugës Lezhë-Shkodër dhe ka premtuar subvencione dhe lehtësime tatimore për fermerët nëse vjen në pushtet. Meta thotë se është koha për organizim të fuqishëm të opozitës dhe Partisë së Lirisë.
“Shkodrën mos e lini me rrugën. Rruga Lezhë-Shkodër është bërë që kur isha unë kryeministër. Rruga e Kombit akoma siç e ka bërë doktori. Ju e dini që në verë mund të shkohet për 4-5 orë nga Shkodra deri në Tiranë. Tani thonë duhet të kesh mbi 10 lopë që të përfitosh subvencione. Serbia jep 385 euro për një lopë jep, Maqedonia subvencionin edhe për çdo qen për fermat. 60% të të ardhurave të pensionistit shkojnë për bukën e gojës. I shikoni se sa ka shkuar çmimi i ushqimeve apo i apartamenteve. Ne do të japim grant 10 mijë euro për çdo fermer që dëshiron të bëjë një fermë. Do t’i lehtësojmë nga taksat për 5 vitet e para. Paratë këtu janë, por vidhen me projektet e tejfryra me projekte marramendëse. Është koha për organizim të fuqishëm të opozitës dhe të Partisë së Lirisë. Unë besoj shumë në integritetin e këshilltarëve tanë”, tha Meta.
