Pas mbarimit të mbledhjes së Komisioit për madatet, ku vendoset mbi hapjen e rrugës për arrestimin e Arben Ahmetajt apo jo, avokati i këtij të fundit, Ardian Visha, ka folur për mediat në lidhje me çështjen e klientit të tij.
Ai u shpreh se Ahmetaj ka nisur përballjen e tij me drejtësinë momentalisht. I pyetur nëse Ahmetaj do kthehet në Shqipëri, ai u shpreh se është e drejta e ish-zv. kryeministrit nëse do vijë në vend apo jo.
Visha shtoi më tej se prokuroria i ka paraqitur mbrojtësve ligjorë të Ahmetajt një material me 320 faqe, në të cilin sipas tij nuk ka asnjë rresht që justifikon kontrollin e banesës së ish-ministrit apo masën e arrestit me burg ndaj tij.
“Zoti Ahmetaj ka nisur përballjen me drejtësinë. Është e drejta e vetë nëse do vijë në Shqipëri apo jo. Ne mbajtëm qëndrim të kundërt nga ajo që kërkon prokuroria. Na u dha kohë jo më shumë se 24 orë për të parë 320 faqe material, që janë dashur 2 javë p[ër t’i shkruar. Ne nuk vërejtëm kurrkund në këto faqe asnjë rresht që justifikon kontrollin e banesës së zotit Ahmetaj, Kjo është thjesht një shoë për të kënaqur epshet e disa njerëzve se si dhunohet e drejta e një deputeti. Për masën e sigurisë nuk kishte asnjë arsye pse kërkohet kjo masë ekstreme. Jemi kundër arrestimit të tij”, u shpreh ai.
