Tempraturat e ulëta vazhdojnë të mbizotërojnë në vendin tonë, madje në disa zona kanë shkuar deri edhe disa gradë nën zero, megjithatë ARSH njofton se po punohet për përmirësimin e gjendjes.
Autoriteti Rrugor Shqiptar raporton se në Gjirokastër vazhdon ende aksioni për pastrimin dhe shpërndarjen e kripës, në mënyrë që të lehtësojë kalimin jo vetëm në rrugët kryesore, por edhe ato dytësore.
Tashmë në të gjitha akset kryesore të këtij rajoni, pra: rrugët e qarkut të Korçës, Vlorës dhe Gjirokastrës janë zhbllokuar dhe janë të kalueshme pa pasur nevojën e zinxhirëve.
Ndërsa në Shkodër situata duket se po ndryshon, pasi puna vazhdon për pastrimin dhe shpërndarjen e kripës dhe ka një përmirësim të dukshëm të gjendjes së akseve të këtij qyteti.
Megjithatë situata nuk është normalizuar në të gjithë vendin, pasi ka edhe akse të cilat rekomandohen të kalohen më zinxhirë, ku përfshihen:
- Qafë Mali – Fierzë
- Ura e Cerenecit – Steblevë
- Qafë Bualli – Krastë
- Trebisht – Doganë
Segmentet rrugore ku rekomandohen pjesërisht me zinxhir
- Kuben-Vasije
- Peshkopi-Qafë Draje
- Peshkopi-Ushtelencë
- Domaj-Draj Rec
- Bulqizë-Fushë Bulqizë
Në Rajonin Qendror Tiranë: Puna nga ana e kontraktorëve vazhdon për pastrimin e akseve dhe shpërndarjen e kripës. Në akset e mëposhtme qarkullohet pjesërisht me zinxhir.
- Rrugët e Dajtit (Qafë Priskë – Qafë Mollë, Qafë Priskë – Shëngjergj)
- Rruga Lunik -Steblevë
