Identifikohet 35-vjeçari që u vra me armë zjarri brenda një makine me targa gjermane.
Mësohet se viktima është Cam Kokeli, 35 vjeç, banues në lagjen Nr.1 Bathore.
Ai është qëlluar teksa ndodhej brenda mjetit të tij në zonën e njohur si Kodër Kamëz. 35-vjeçari Kokeli u gjet i plagosur rëndë brenda mjetit dhe u nis për në spital, por rrugës ndërroi jetë.
I riu është vrarë me silenciator nga persona ende të paidentifikuar që udhëtonin me një mjet të llojit “Audi” me ngjyrë të zezë dhe pa targa. Pas krimit, makina është gjetur e djegur në zonën e Insitutit Bujqësor.
Dyshohet se ngjarja ka lidhje me vrasjen e Astirit të ndodhur pak kohë më parë.
Grupi hetimor nën drejtimin e Prokurorisë vijon punën për zbardhjen e rrethanave të ngjarjes, sekuestrimin e çdo prove të mundshme materiale që shërben për identifikimin e autorëve.
Njoftimi- Më datë 23.12.2021, rreth orës 19:56, në Kodër Kamëz, në rrugën “Nikoll Vatnikaj”, në rrethana ende të paqarta dyshohet se është vrarë me armë zjarri brenda në një automjet me targa të huaja, shtetasi C. K., rreth 35 vjeç, banues në lagjen Nr.1 Bathore.
Shërbimet e Policisë kanë shkuar menjëherë në vendngjarje së bashku me grupin hetimor.
Është rrethuar zona dhe vijon krehja e saj për të bërë të mundur kapjen e autorit/ëve.
Grupi hetimor nën drejtimin e Prokurorisë vijon punën për zbardhjen e rrethaneve të ngjarjes, sekuestrimin e çdo prove të mundshme materiale që shërben për identifikimin e autorëve.
