Ish-legjenda franceze dhe gjithashtu ish-drejtuesi i UEFA-s, Mishel Platini mendon se futbolli modern po bëhet gjithnjë e më i mërzitshëm. Por ai ka gati idetë dhe propozimet e tij për t’i dhënë zgjidhje këtij problemi. Ish-futbollisti i Juventusit propozon që skuadrat të mos hyjnë në fushë me 11 lojtar por me 10 të tillë. Sipas tij, në këtë mënyrë, do të krijohen hapësira të reja në fushë dhe do t’u lejohet lojtarëve të vrapojnë më shumë.
“Nevojitet të hiqet një, e skuadrat të luajmë me dhjetë lojtarë. Në 1900, filloi të luhej me 11 lojtarë, por në atë kohë lojtarët vraponin më pak, ishin më të ngadaltë dhe gjithashtu më pak të fortë fizikisht. Kështu që mund të jetë një gjë e mirë të kufizohet numri i lojtarëve sepse do të lironte hapësira në fushë”.
Ideja e ish-presidentit të UEFA-s dhe 3 herë fituesit të topit të artë lidhet me analizën e futbollit të sotëm: “Njerëzit e brezit tim nuk shikojnë më futbollin që luhej më parë. Bëhen shumë pasime prapa se sa përpara. Nuk dua të bëhem kritik, por në epokën time kemi parë më shumë futboll sulmues”.
Prandaj propozimi që do të kishte efektin e një revolucioni në një sport të cilin Marco Van Basten, si konsulent i FIFA-s, ishte përpjekur ta evoluonte me ide të ndryshme, duke modifikuar pozicionin jashtë loje, duke hequr kohën shtesë, duke vendosur një përjashtim të përkohshëm, përputhet edhe me idenë e Platinisë.
