Kryeministri Rama ua ka ndaluar plazhin qytetarëve të thjeshtë, ku foto të shumta qarkulluan në rrjet këtë fundjavë, t të personave që u ndaluan nga policia për shkak se kishin shkuar të bënin plazh.
Mesa duket ky rregull vlen vetëm për qytetarët, pasi kryebashkiaku i Gjirokastrës Flamur Golemi është parë teksa merr rreze në bregdetin e Sarandës.
Foton e Golemit në plazh e ka publikuar gazetari Telnis Skuqi, i cili shkruran se a do e gjobisë kryeministri Rama për shkelje të urdhërit të tij.
Nga ana tjetër epidemiologë dhe infeksionistë kanë bërë me dije se uji i detit dhe dielli e shkatërrojnë virusin brenda pak sekondash dhe rrezikshmëria e infektimit pothuajse është zero, por mesa duket këto këshilla kanë rënë në vesh të shurdhër.
“Po këtë kryetarin e emëruar të Gjirokastrës, Flamur Golemin, do ta gjobitësh për shkelje të urdhërit tënd të djeshëm zoti Kryeministër?!
Dje i’a nxive jetën miletit, ndërsa kryetari i emëruar i Gjirokastrës nxiu lëkurën e tij në plazhin e Sarandës, pranë hotel “Apollonia” sëbashku me familjen e tij. Shkurt fare: Dëgjoni çfarë them unë, por mos veproni si bëj unë”, shkruan gazetari Telnis Skuqi në rrjetin e tij social Facebook.
https://www.facebook.com/telnis.skuqi/posts/1840814552721960
