Vila e “Sarajve të Toptanëve” u dogj mbrëmjen e djeshme pak para mesnatës. Zjarri u shua një herë nga zjarrfikësja por pas largimit të forcave zjarrfikëse, u aktivizua përsëri. Kryetari i Bashkisë së Tiranës, Erjon Veliaj, ka reaguar i revoltuar pas zjarrit që përfshiu mbrëmjen e djeshme “Sarajet e Toptanasve”. Me anë të disa postimeve të bëra në rrjetin social “Twitter”, Veliaj njofton se ka biseduar me Edi Ramën, i cili ka autorizuar shpronësimin e përshpejtuar për “Sarajet” si një nga aktet e para të qeverise së re.
Veliaj shkruan se kushdo duhet ta harrojë që aty do ketë ndërtim, e ta harrojnë që aty do ketë zjarr sa të bëhet shpronësimi. Më tej, ai tregon se nga sot ka nisur ruajtja e monumentit 24 orë.
Postimi i Erjon Veliajt:
Mbreme ne oren 23:49, policia bashkia prane AMK, po ata qe sulmonte presidenti, kane njoftuar sallen operative per zjarrvenie prane Monumentit te Kultures, njohur gjeresisht si Sarajet.
Ne pak minuta, zjarrfikesit e City Of Tirana kane shuar zjarrin e qellimte ne 2 vatra. Ne dallim nga shume objekte per te cilat behet zhurme pa lidhje, si Lodrat tek Liqeni apo ngrehina e tallashit te Teatri Kombëtar, objekti Sarajet ESHTE monument kulture.
Dje, nen stilin e Shkolles Kosova, u tentua djegia e objektit nga dritarja e pasme qe pronaret te ndalojne shpronesimin. Kamerat e sigurise kane kapur zjarrvenesin teksa largohet perballe Torre Drin, Policia e Shtetit po punon per ta çuar ne pranga. Por zjarrvenesit e vertete jane porositesit, edhe per keta nuk do kete meshire.
Politikane qe diten merakosen per lodrat, e naten zjarrin qytetit! Ne mesnate, bisedova me Kryeministrin Edi Rama, i cili ka autorizuar shpronesimin e pershpejtuar per “Sarajet” si nje nga aktet e para te qeverise se re. Ta harrojne qe aty do kete ndertim, e ta harrojne qe aty do kete zjarr gjer sa te behet shpronesimi. Nga sot ka nisur regjimi 24h roje!”, shkroi Veliaj.
