Teksa në Kuvend zhvillohej seanca e radhës plenare, para godinës së Parlamentit është regjistruar një protestë e pazakontë. Një pensionist ka zgjedhur të dalë i vetëm në shesh për të ngritur zërin kundër qeverisë dhe mënyrës se si, sipas tij, trajtohen pensionistët në vend.
Me një megafon në dorë, i moshuari ka qëndruar përpara Parlamentit duke kërkuar zbatimin e ligjit dhe duke akuzuar drejtuesit e shtetit se po u marrin pensionistëve të ardhurat minimale për jetesë. Ai ka shprehur revoltën e tij duke theksuar se pensionet janë të pamjaftueshme dhe se qytetarët e moshuar po përballen me vështirësi të mëdha ekonomike.
Gjatë protestës, pensionisti është dëgjuar të thotë me zë të lartë:
“Po vishni pensionet e popullit. Ju jeni kriminelë, i vidhni kafshatën e gojës pensionistit, jeni kundër parimeve demokratike. Një rrugë ka, do zbatohet ligji. Para ligjit jeni të barabartë dhe jo me diferencime”.
Protesta e tij ka tërhequr vëmendjen e kalimtarëve dhe personave që ndodheshin pranë Parlamentit, ndërsa i moshuari ka vijuar të kërkojë respektimin e ligjit dhe trajtim më të drejtë për pensionistët në Shqipëri.
