Ka kaluar një javë nga arrestimi i ish-ministrit të mjedisit Lefter Koka, i cili akuzohet ëpr shpërdorim detyre, korrupsion dhe pastrim parash, që lidhen kryesisht me aferën e inceneratorëve.
Tashmë Koka, ndodhet në paraburgim dhe ndërkohë kanë dalë fotot e qëndrimit të tij
I vetëm dhe duke bërë ushtrime fizike,
atje.
Lapsi.al ka siguruar fotot ku shihet Koka në ambientet e ajrimit në paraburgimin e Tiranës. I veshur me të zeza, me tuta dhe një t-shirt me krah të shkurtër, Koka shfrytëzon diellin dhe ajrin e pastër për të bërë disa ushtrime gjimnastikore. Siç shihet nga pamjet Koka qëndron i vetëm në këto ambiente.
Kujtojmë që në sallën e gjyqit Koka ka hedhur poshtë akuzat, por pa dhënë shumë shpjegime.
“Nuk kam shkelur asnjë ligj,”– mësohet të ketë thënë ai në prezencë të mbrojtjes, avokatit Fatmir Braka. Pavarësisht mohimit të akuzave nga ana e ish-zyrtarit, gjyqtari Erion Bani ka vendosur të pranojë kërkesën e Prokurorisë së Posaçme Kundër Korrupsionit dhe Krimit të Organizuar (SPAK) dhe ta lërë në burg të akuzuarin.
Avokati i ish-ministrit të Mjedisit Lefter Koka, Fatmir Braka e ka konsideruar politik kallëzimin e nisjen e procesit ndaj të të akuzuarit. Përpara mediave, pas vendimit të GJKKO-së, Braka tha se Koka nuk ka asnjë përgjegjësi si ish-ministër për veprat penale për të cilat akuzohet. Sipas Brakës, e gjithë seanca është zhvilluar bazuar në akuzën e shpërdorimit të detyrës si ministër. Ai shtoi se nuk është aspak normale që Koka të jetë vënë në pranga në momentin që nuk është marrë asnjëherë në pyetje për të njëjtën dosje.
