Një lajm i trishtë ka ardhur sot nga Spitali Infektiv (Covid1) ku për shkak të covid-19 ka humbur jetën një tjetër mjek.
Mësohet se pas një jave I shtruar në Spitalin Infektiv, ka humbur jetën për shkak të covid-19, në moshën 68-vjeçare mjeku Ferdinand Shkrepa.
Bëhet me dije se Shkrepa, me profesion mjek okulist në qytetin e Elbasanit, ka ndërruar jetë si pasojë e Covid-19.
Prej më shumë se një jave mjeku nga Elbasani ishte i shtruar në Spitalin Infektiv në gjendje të rëndë shëndetësore, ndërsa sot njoftohet se ai nuk e ka fituar dot betejën për jetën.
Ky lajm i trishtë e ka shtuar më tepër pikëllimin mes radhëve të bluzave të bardha, ku deri tani raportohet se 14 mjekë e doktorë e kanë humbur betejën me covid-19./GazetaReforma.com/
