Pas daljes nga ambientet e Prokurorisë, ku qëndroi për më shumë se 2 orë, kreu i KED, Ardian Dvorani, u ndal në një prononcim për mediat.
Dvorani bëri me dije se u ka shpjeguar prokurorëve, faktet dhe rrethanat sesi kanë ndodhur ngjarjet.
“ Ja kam shpjeguar faktet dhe rrethanat si kanë ndodhur, dhe paraqita shpjegimet e mia. Shpjegimi është shumë i gjatë, në pak dalje në shpjegimet e mia e kam dhënë qëndrimin tim. Është prokuroria që do të bëjë hetimin në përputhje me ligjin dhe do t’ja shprehë ato më pas gjykatës “ tha Dvorani.
Kreu i KED, i ka quajtur videot që presidenti Ilir Meta do të publikojë, si seriale të shkurtra.
“Nuk mund të flas me detaje, hetimi zhvillohet në këtë godinë, as në tv as në gazeta. Lëtu kam bërë gjithë shpjegimet e hollësishme. Institucionet, funksionarët kushtetues e publik nuk është e mira t’i shtrojnë problematikat me serial të shkurtër të gjatë por t’i cojnë në organet kompetente’”u shpreh Dvorani
Më tej ai shtoi, se në Prokurori nuk u paraqit me një status të privilegjuar, ndërsa tha se do t’i shkojë detyrimeve të tij deri në fund.
“Si mund të mendoj unë a kam a s’kam besim tek organet e drejtësisë. Në Shqipëri duhet të mësohemi që ligji zbatohet në mënyrë të barabartë për të gjithë. Nuk kam menduar që kam një status të privilegjuar. Nuk ka arsye të dal këtu me mburrje. Nuk ka asgjë për t’u mburrur. Nuk është as ndonjë arritje profesionale, është detyrim. Mua nuk më kanë vendosur në asnjë pozitë të vështirë. Kam për detyrë të përmbush detyrimet e mia si i vetmi në Gjykatën e Lartë. Në KED nuk jam zgjedhur për meritat e mia por sepse shorti më lejon. Do përmbush detyrimet e mia deri në fund”, tha Dvorani.
Përsa i përket stokut të dosjeve në Gjykatën e Lartë, Dvorani tha se ka shkuar në 35 mijë.
Konflikti mes presidentit Ilir Meta dhe kreut të KED, Ardian Dvorani, nisi për plotësimin e vendeve vakante në Gjykatën Kushtetuese, ku për të njëjtin post, kishte dy emra.
Kreu i Shteti e akuzoi Dvoranin për “Shpërdorim detyre” dhe “Përvetësim kompetencash”.
