Një ngjarje e rëndë është regjistruar mëngjesin e ditës së sotme në fshatin Gjonomadh të Korçës, ku dy vajzave u është vënë jeta në rrezik teksa kanë qenë duke ecur rrugës.
Sipas informacioneve të marra bëjnë me dije se një djalë i ri D. L., 21 vjeç, banues në fshatin Gjonomadh, Korçë, ka marrë automatikun duke i dalë para dy vajzave, një 20-vjeçare dhe një 15-vjeçare, të cilat ka vazhduar duke i kërcënuar me jetë.
Për fat të mirë, i riu nuk ka qëlluar me armën që kishte ndër duar gjë që do të rezultonte fatale për vajzat. Pas ngjarjes së ndodhur dy vajzat kanë shkuar në shtëpi duke i treguar të afërmve për ngjarjen, të cilët pasi janë informuar, i janë drejtuar drejtorisë së policisë ku dhe i kanë lajmëruar menjëherë.
Njoftimi i plotë i policisë:
“Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit D. L., 21 vjeç, banues në fshatin Gjonomadh, Korçë.
Më datë 04.09.2021, në fshatin Gjonomadh, ky shtetas për motive të dobëta, dyshohet se ka kanosur me armë zjarri tip automatik, një 15-vjeçare dhe një 20-vjeçare. Nga ana e Policisë po punohet për dokumentimin e plotë të kësaj ngjarjeje”, njofton policia.
