Fqinji ynë Jugor duket se e ka zgjidhur përfundimisht problemin e pandemisë së koronavirusit, pasi ka vënë në rrugë të mbarë çështjen e vaksinimit.
Vet kryeministri i Greqisë, Kyriakos Mitsotakis, ka qetësuar të gjithë qytetarët e tij, teksa ka dhënë një datë të saktë për mbërritjen e vaksinës së vend.
Në një intervistë për mediat vendase, Mitsotakis tha se, Greqia do të marrë vaksinën e “Pfizer”, e cila sipas tij, do të mbërrijë në Greqi 48 orë pas miratimit nga Bashkimi Evropian.
Mitsotakis tha gjithashtu se, ai vetë do të jetë personi i parë që do të vaksinohet, bashkë me familjen e tij dhe Presidenten e Greqisë.
“Vaksina Pfizer do të aprovohet nga Agjencia Evropiane e Barnave më 30 dhjetor, dhe brenda 48 orësh do ta kemi në vendin tonë dhe do të fillojnë vaksinimet. Unë do të jem i pari që do ta bëj së bashku me Presidentin e Republikës, pse jo me udhëheqësit politikës.
Edhe familjarët e mi gjithashtu. Ne duhet të japim një mesazh se vaksina është e sigurt. Është e rëndësishme të kapërcehet dyshimi për një pjesë jo të vogël të shoqërisë që ka frikë.
Në një farë mase unë e kuptoj fobinë, por vaksinat janë të sigurta dhe kanë bërë mrekulli. Marr shembull eksperiencat e mia personale. Nëna ime vuante nga poliomieliti. Ai iu nënshtrua operacioneve të dhimbshme për të ecur përsëri. Sot poliomieliti nuk ekziston sepse të gjithë jemi të vaksinuar”,- tha kryeministri i Greqisë.
/GazetaReforma.com/
