Një 49-vjeçar u plagos ditën e sotme në fshatin Kopaçëz të Delvinës.
Autori i dyshuar i plagosjes është 73-vjeçari, Kadri Nora.
Sipas “Balkanweb”, ky i fundit akuzonte Martin Dodën, për vrasjen e djalit të tij.
Në vitin 2015, djali i të moshuarit, Eduard Nora, i cili punonte si bari, u gjet i plagosur me plumb poshtë gjurit.
Pasi iu dha ndihma e parë, ai u transportua në një stan tjetër, por ndërroi jetë, ndërsa ambulanca po vinte.
Ngjarja u skedua si vetëvrasje dhe në vendin e ngjarjes nuk u gjetën gëzhoja.
Ishte kjo pikërisht arsyeja që shtyu të moshuarin të plagoste Dodën.
Ky i fundit po dilte nga banesa për të shkuar në Lezhë.
Policia sekuestroi në cilësinë e provës materiale një kallashnikov.
