Një ngjarje tragjike është shënuar pasditen e së mërkurës në fshatin Qinam të Ersekës, ku një 65-vjeçar ka humbur jetën pasi është goditur nga rrufeja.
Viktima, identifikuar me inicialet A.A., dyshohet se ndodhej në zonë duke kullotur bagëtitë në momentin kur ndodhi incidenti fatal.
Sipas informacioneve paraprake, rrufeja e ka goditur drejtpërdrejt, duke i shkaktuar vdekjen e menjëhershme në vendngjarje.
Policia lokale ka mbërritur në vend për të kryer veprimet procedurale dhe për të hetuar rrethanat e ngjarjes, ndërkohë që është organizuar edhe transportimi i trupit të pajetë.
