Kryeministri i Shqipërisë, Edi Ramam është pritur me duartrokitje në Sarandë, teksa ka inspektuar procesin e vaksinimit. Një prej të moshuarve, i cili po bënte vaksinën, e ka uruar Ramën për zgjedhje pa qëllim dashakeqës me sloganin e PD-së: “Me ty Shqipëria fiton”. Kryeministri Rama i ka kërkuar ndërkohë të ulet dhe të bëjë vaksinën njëherë, pastaj të flasë.
Biseda mes kryeministrit Edi Rama dhe të moshuarve në Sarandë:
E moshuara: Si jeni djalë i nënës tënde, o flori, o yll, flori.
Edi Rama: Si jeni. Mirë faleminderit. Si ju ecën puna?
Edi Rama: Ulu mo ulu, ulu mo bëje!
I moshuari: Rrofsh, të paçim sa malet. Me ty gjithmonë Shqipëria fiton. Ti je njeriu i punës.
Edi Rama: Me shëndet, me shëndet, me shëndet. Si jeni? Në rregull cdo gjë? E bëtë apo… Ulu, ulu, ulu, se duhet të rrish ulur. Hajde me shëndet të gjithëve.
Vaksinimi masiv ka nisur më shumë se 1 javë më parë në të gjithë Shqipërinë dhe fokusimin e kanë marrë moshat mbi 65-vjeç fillimisht, për të vazhduar më pas me forcat e policisë dhe gazetarët. Tashmë, grup mosha është ulur sërish dhe po vaksinohen qytetarët 60-vjeç e lart.
Kryeministri Edi Rama, si dhe Ogerta Manastirliu, kanë theksuar se vaksinimi masiv në Shqipëri, pritet të mbarojë brenda 14 muajve të ardhshëm, nga ky pritet dhe rikthimi në normalitet i jetëve të njerëzve.
https://www.facebook.com/edirama.al/videos/458092068735247
