Para disa ditësh një 17-vjeçar në Lezhë vrau e bashkëfshatarin të tij Lek Lekgjonaj për motive hakmarrje.
Ndërkohë ditën e sotme i mituri Florjan Përvathi është lënë në burg për vrasjen e kryer. Menjëherë pas vendimit të gjykatës, avokati i 17-vjeçarit Përvathi Andi Durra është shprehur se klienti i tij ëhstë i tronditur dhe deklaratën që e ka dhënë në polici ka qenë në prezencë të psikologut.
Avokati ka zgjedhur ta quajë krimin si një situatë ku për herë të parë kemi 2 viktima, ku një është ai që humbi jetën dhe viktima e dytë që nuk do të jetë i fundit është dhe autori i veprës penale i cili nuk do të jetë i fundit.
“Do të jetë seanca e radhës për vlerësimin e vendimit. Nuk pritej ndonjë vendim tjetër për shkak se është vepër me rrezikshmëri të madhe shoqërore. Është rasti i parë që kemi 2 viktima, një është ai që humbi jetën dhe që ngushëlloj familjarët, dhe viktima e dytë që nuk do të jetë i fundit është dhe autori i veprës penale i cili nuk do të jetë i fundit. Fajtore jemi të gjithë pasi e kemi nxitur nga pak që të kryen kjo vepër penale qoftë duke e quajtur gjakmarrjen si vepër penale qoftë media qoftë opinioni duke i rritur me një urrejtje të tillë. Klienti im është i mitur dhe ishte shumë i tronditur, deklaratën e ka dhënë në polici në prani të psikologut.
Është një ndër ngjarjet më të rëndë që ka vetëm viktima. Do të bëj të pamundurën për përfitimet e klienti tim sipas ligjit”, ka thënë ai.
