Ditën e sotme është “djegur” edhe raundi i tretë për zgjedhjene presidentit të ri, pasi palët politike nuk depozituan asnjë kandidaturë. Në seancën e sotme deputetë e PD të Enkelejd Alibeajt nuk janë paraqitur. Në këtë mënyrë i hapet rruga Partisë Socialiste për zgjedhjen e pasuesit të Ilir Metës.
Ndërkohë që kreu i grupit parlamentar të PS-së, Taulant Balla është shprehur për mediat pas përfundimit të seancës së sotme në kuvend ku zyrtarisht raundi i tretë për zgjedhjen e presidentit, u mbyll me dështim pa pasur asnjë kandidaturë.
Balla tha se nga ky moment mazhoranca do të vijonte punën për të paraqitur emra konkretë pasi në raundin e katërt dhe të pestë, kushtetuta kishte përcaktuar një mekanizëm zhbllokues. Ndërsa shtoi se do të vijonin konsultimet me kryesuesit e grupeve të tjera parlamentare.
Pyetje: I lumtur që dështuat dhe do zgjidhni vetë një emër?
Taulant Balla: Siç e patë, ne I qëndruam angazhimit tonë për të pritur një emër konkret nga opozita, pa bërë asnjë propozim deri në raundin e tretë. Me shpresën që opozita të merrte përgjegjësinë e pjesëmarrjes në proces. Nga ky moment, ne nuk do ta lëmë vendin pa president, por duke ndjekur parimet e procesit. Mos të harrojmë që në raundin e katërt dhe të pestë kushtetuta kaq përcaktuar një mekanizëm zhbllokues. Ne kemi pasur gatishmërinë për t’u ulur me emra konkretë me opozitën, ju jeni dëshmitarë. Nëse opozita ka dëshiruar prej fillimi një president për ta zgjedhur vetë, besoj se kjo nuk i bën mirë askujt.
