Mënyra të ndryshme janë përdorur për të bërë transportin e lëndëve narkotike nga një vend në tjetrin, mirëpo këtë herë duket se situata është më e rëndë.
Arbër Çekaj, biznesmeni shqiptar i cili kishte porositur 20 tonë banane dhe ku iu gjetën 613 kg kokainë është duke kërkuar azil politik në Gjermani.
Ngjarja ka ndodhur vitin e shkuar dhe në 4 maj të vitit 2018 është vënë në pranga dhe është kërkuar që të ekstradohej në Shqipëri, pasi 3 javë para ngjarjes ishte larguar nga vendi.
Momentalisht kërkesën e Çekajt për azil në Gjermani është duke e shqyrtuar Gjykata e Essiel-it dhe nuk dihet ende se cili do të jetë vendimi përfundimtar.
Por si ka qenë historia e kapjes së kontenierit me 613 kg kokainë?
Sipas policisë biznesmeni ka porositur kontenierin dhe bashkë me të edhe 613 kg kokainë nga Kolumbia, gjë të cilën ai e mohon kategorikisht duke thënë se nuk kishte asnjë lidhje.
Mirëpo kokaina e fshehur në banane është kapur brenda magazinës së Çekajt në Maminas, prej nga janë venë në pranga edhe shoferi i kamionit Armano Pezaku dhe menaxheri i magazinës Donaldo Lushaj. Ende dhe sot Pezaku dhe Lushaj ndodhen në burg edhe pse vendimin e kanë apeluar në disa herë.
