“I kam realizuar të gjitha”, Rama: Unë dhe Erioni e duam pushtetin për Shqipërinë

Kryeministri Edi Rama, në një takim të zhvilluar në zonën e Laprakëës me simpatizantë të PS-së, tha se nuk po e kërkonte mandatin e tretë për vete, por për Shqipërinë.
Kryeministri i vendit ndër të tjera u shpreh se ai i ka arritur të gjitha majat dhe se ndryshe nga opozita që e do shqipërinë për pushtet, ai e do pushtetin për vendin tonë. Ndër të tjera Rama iukakërkuar të rinjve që ti besojnë votën PS-së, për të mos ndaluar në mes reformat e marra deri më tani, sipas Ttij.
Gjatë një takimi me simpatizantë të PS në Laprakë, në kryeqytet, kryeministri Edi Rama tha se nuk po e kërkon mandatin e tretë për vete, por për Shqipërinë.
Kryeministri tha se personalisht i ka prekur të gjitha majat, por ndryshe nga opozita që e do Shqipërinë për pushtetin, Rama tha se ai e do pushtetin për Shqipërinë.
“Nuk jam këtu për veten time. Në aspektin personal i kam realizuar të gjitha, i kam prekur të gjitha majat. I kam patur të gjitha nderet që merr kur të voton populli. Ka një dallim të madh, ne, unë, Erioni, e duam pushtetin për Shqipërinë, ata e duan Shqipërinë për pushtetin. Për ta Shqipëria është vendi i të gjitha të zezave kur ata nuk e kanë pushtetin, dhe kur janë në pushtet, për ta Shqipëria është plaçkë dhe shqiptarët mish për top. Dikush që përsërit të njëjtën gjë dhe pret  rezultate të ndryshme është budalla. Jemi këtu për ekonominë, mirëqenien, turizmin, shëndetësinë. Do bëjmë atë që po bëjmë sot duke fituar mbi pandeminë dhe tërmetin.
Unë isha në emigracion dhe mua më ka shtyrë në këtë rrugë besimi shumë i fortë që ky vend bëhet. Dhe nëse ky vend nuk është bërë dhe nëse në këtë vend njerëzit kanë rënë pre e recetave çudibërëse kjo ka ardhur se ajo shumicë njerëzish që besojnë te puna, vetja dhe guximi i tyre i kanë lënë të tjerët të marrin vendime për ata.
Unë kam hyrë në këtë rrugë, pasi nuk doja që fatin tim t’jua delegoja të tjerëve. Mos u lodhni, mos u dorëzoni, ngjitja në majë është e vështirë. Kjo botë është e atyre që nuk ndalen, që nuk pushojnë”, tha Rama.