Përcillet sot për në banesën e fundit publicisti dhe ish-zyrtari Artan Lame, i cili u nda nga jeta në moshën 58-vjeçare, pas një beteje të gjatë shëndetësore.
Homazhet në nderim të tij do të zhvillohen sot, nga ora 10:00 deri në 12:00, pranë Akademisë së Shkencave.
Lame ndërroi jetë në një spital në Gjermani, pas një ndërhyrjeje të ndërlikuar kirurgjikale në zemër, të cilën nuk mundi ta përballonte.
Karriera e tij në administratë nisi si Drejtor i Trashëgimisë Kulturore në Ministrinë e Kulturës. Më pas, gjatë viteve 2000–2002, shërbeu si nënkryetar i Bashkisë së Tiranës.
Nga viti 2013 deri në vitin 2023, ai drejtoi fillimisht ALUIZN-in dhe më pas Kadastrën.
