Tashmë Shkodra është vendi i dytë me më shumë të prekur në vendin tonë, me 49 të raste, 4 prej të cilëve u raportuan ditën e sotme.
Një nga katër të prekur me COVID-19 në Shkodër është edhe koordinatori i OSHEE-së për Vaun e Dejës, Pukën dhe Shkodrën, i cili ka rezultuar pozitiv në analizën ndaj koronavirusit bashkë me të motrën e tij, shkruan ABC News.
Mësohet se ai gjatë ditës së sotme ka zhvilluar një takim në zyrat e OSHEE dhe pas mbledhjes, gjashtë punonjës të këtij institucioni, të cilët kanë patur më shpesh kontakt me korodinatorin, u janë nënshtruar analizave, teksa punonjës të tjerë të OSHEE-së, pritet që t’u nënshtrohen testeve.
Sakaq, të gjitha pjesë marrësit në mbledhje janë vetëkarantinuar tashmë.
Ka shkuar në 416 numri i të prekurve nga koronavirusi në vendin tonë, pasi në 24 orët e fundit janë shënuar vetëm 7 raste të reja, nga 162 teste të kryera.
Gjithashtu, gjatë 24 orëve të fundit janë shëruar 17 persona, duke e e çuar numrin në 182, ndërsa betejën me COVID-19 e kanë humbur 23 pacientë.
Në spitalin Infektiv ndodhen 50 persona, 6 prej të cilëve në terapi intensive, ku një është intubuar, ndërsa në spitalin “Shefqet Ndroqi” ndodhen 6 pacientë, 4 prej të cilëve janë intubuar.
