Grabitjet njësoj si dhe vrasjet janë gjithmonë e në rritje dhe këtë herë nuk ka ndodhur e kundërta. Në qytetin e Vlorës një i moshuar është grabitur në banesën e tij, ku edhe ka mbetur i plagosur.
I moshuari V.K, 69-vjeç është dhunuar dhe grabitur nga persona ende të paidentifikuar. Nga raportimi i Policisë ngjarja ka ndodhur në katin e katërt të një pallati në lagjen “Rilindja”, ndërkohë që i moshuari është gjendur i gjakosur nga nipi i tij në banesë.
Për “Balkanweb”, nipi i të moshuarit ka thënë se ka gjetur derën e hapur dhe gjyshin e gjakosur në divan. Ai thotë se në shtëpi mungonin rreth 1 milion lekë.
“Më datë 27.02.2019, rreth orës 20:40 është dërguar për ndihmë mjekësore në Spitalin Rajonal Vlorë i moshuari 69 vjeçar V.K, i cili është konstatuar nga nipi i tij me dëmtime në kokë ende të pa përcaktuara se nga janë shkaktuar. Grupi hetimor ndodhet në vendngjarje ku vijon punën për zbardhjen dhe sqarimin e rrethanave të ngjarjes“- thuhet në njoftimin e policisë.
