Teksa Organizata Botërore e Shëndetit ka shpallur Coronavirusin një pandemi, Kina, e cilësuar si epiqedra e virusit, duket se tashmë e ka fituar këtë luftë dhe po ringrihet dita-ditës.
Në Wahan, zona më e nxehtë ku shpërtheu virusi, janë mbyllur të gjithë spitalet e hapura aty përkohësisht për të shëruar pacientët e prekur dhe një pjesë e mirë e banorëve i janë kthyer normalitetit.
Por, të dalësh fitimtare në një betejë të tillë nuk është e thjeshtë dhe shteti kinez feston sot falë masave të marra nga qeveria nga njëra anë dhe disiplinës dhe ndërgjegjësimit të banorëve nga ana tjetër.
Teksa, mjekësia nuk ka arritur ende të krijojë vaksinën që do i jepte fund betejës me COVID-19, kinezët vendosën të luftojë duke përdorur armën e tyre më të fortë: teknologjinë.
Kështu, firmat e robotikës kanë krijuar pajisje të ndryshme për dezinfektimin e hapësirave publike, që nisën nga THOR-1 dhe u përmirësuan një një kohë të shkurtër.
Nëse njeriu nuk e lufton dot Coronavirusin, robotika mundet. Ja shpikja e fundit e kinezëve
Më poshtë mund të shihni pamjet e regjistruara në Kinë gjatë dezinfektimit të vendeve publike nga makineri të mëdha, që i kanë dhënë goxha ndihmë në kufizimi e përhapjes së COVID-19.
E teksa sot Kina regjistroi vetëm 8 të infektuar, pjesa tjetër e botës vijon të dridhet teksa numri total i viktimave deri tani ka shkuar në mbi 5,400 persona dhe 145, 335 të infektuar.
Në vendin tonë deri tani janë 33 persona të infektuar ndërsa në Kosovë janë shënuar dy rastet e para.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
