Policia ka ndaluar ditën e sotme një person, i cili dyshohet si autor i vrasjes së 48-vjeçarit të ditës së djeshme, në Mborje të Korçës.
Sipas policisë bëhet fjalë për 18-vjeçarin me iniciale D.H.
Ky i fundit është dënuar edhe më parë për “Plagosje e rëndë me dashje”.
Kujtojmë këtu se ditën e djeshme, Flamur Duci, u gjet i vrarë pranë lokalit të tij.
Ai kishte një plagë afër zemrës të shkaktuar nga një mjet i mprehtë.
Gjithashtu kishte djegie në pjesë e sipërme të trupit, çka dyshohet se autorët kanë tentuar t’i vënë flakën.
Viktima njihej nga banorët e zonës si njeri i qetë, ndërsa nuk kishte as procedime penale të mëparshme.
Njoftmi i policisë:
Ndalohet 1 shtetas, i dyshuar si autor i vrasjes së 48-vjeçarit, ngjarje e ndodhur ditën e djeshme në fshatin Mborje.
Strukturat e Drejtorisë Vendore të Policisë Korçë në bashkëpunim me Prokurorinë pranë Gjykatës së Rrethit Gjyqësor Korçë, në vijim të punës për zbardhjen dhe dokumentimin e ngjarjes së ndodhur më datë 19.12.2019, ku në fshatin Mborje, pranë banesës dhe dyqanit të tij u gjet i vrarë shtetasi F.D., 48 vjeç, bënë të mundur kapjen dhe ndalimin e autorit të dyshuar të ngjarjes shtetasit:
D.H., 18 vjeç, banues në fshatin Mborje, i dënuar më parë për veprën penale “Plagosja e rëndë me dashje”.
Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale “Vrasja me dashje”.
Vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes.
