Specialistët për Hetimin e Krimeve në Komisariatin e Policisë Vlorë, vazhdojnë punën e tyre për kapjen dhe arrestimin e personave për vepra penale të ndryshme. Falë kontrolleve të kryera autoritetet e policisë kanë bërë të mundur arrestimin e një 71-vjeçari i cili akuzohet për vepren penale “Shkatërrimi i pronës me zjarr”. Shtetasi me iniciale P.B., ka deklaruar në ambientet e policisë se kishte si qëllim të digjte vetëm disa mbeturina por ndërkohë situata i ka dalë jashtë kontrollit duke shkaktuar kështu djegien e mëtejshme të disa bimësive të ndryshme në fshatin Zvërnec.
Materialet i kaluan Prokurorisë së Rrethit Gjyqësor Vlorë për veprën penale “Shkatërrimi i pronës me zjarr”.
Kujtojmë që raste të tilla janë shtuar dhe janë konstatuar nga autoritetet e policisë pasi zjarrvëniet e qëllimshme kanë shkaktuar dëme të mëdha duke djegur mijëra hektarë toke me bimësi të ndryshme.
NJOFTIMI NGA POLICIA
Vlorë/Dogji me zjarr një sipërfaqe toke me bimësi të ndryshme, procedohet penalisht autori i dyshuar.
Specialistët për Hetimin e Krimeve në Komisariatin e Policisë Vlorë, bënë procedimin në gjendje të lirë të shtetasit P. B, 71 vjeç, pasi dyshohet se ka ndezur zjarr, për djegien e mbeturinave dhe si pasojë zjarri, ka dal jashtë kontrollit duke djegur një sipërfaqe me bimësi të ndryshme në fshatin Zvërnec.
Materialet i kaluan Prokurorisë së Rrethit Gjyqësor Vlorë për veprën penale “Shkatërrimi i pronës me zjarr”.
