Një 34-vjeçar nga Puka ka rënë në prangat e policisë për armëmbajtje pa leje.
Në momentin që ka parë efektivët, F.Sh. ka hedhur armën dhe ka tentuar të largohet, por është kapur gjatë ndjekjes nga shërbimet e policisë.
Në cilësinë e provës materiale, u sekuestrua një armë zjarri e llojit “TT” dhe municion luftarak.
Sipas policisë i riu është dënuar më parë për vjedhje dhe dhunë në familje.
Materialet proceduriale i kaluan Prokurorisë së Pukës për veprime të mëtejshme.
Njoftimi i policisë
Pukë
Qarkullonte me armë zjarri, vihet në pranga 34-vjeçari.
Sekuestrohet 1 armë zjarri pistoletë dhe municion luftarak.
34-vjeçari, i dënuar më parë për vjedhje dhe dhunë në familje.
Shërbimet e Policisë, krahas angazhimit 24 orë për monitorimin e zbatimit të masave kufizuese për parandalimin e përhapjes së COVID-19, vijojnë punën për parandalimin dhe goditjen e paligjshmërisë.
Nga shërbimet e Komisariatit të Policisë Pukë, në bazë të informacioneve të marra në rrugë operative se një shtetas në fshatin Bicaj lëvizte me armë, u organizua puna për identifkimin dhe kapjen e tij.
Si rezultat i një pune të mirëorganizuar u evidentua shtetasi F. Sh., 34 vjeç, banues në fshatin Bicaj, Pukë, i cili lëvizte me armë zjarri me vete dhe në momentin që ka parë shërbimet e Policisë ka hedhur armën dhe ka tentuar të largohet, por eshtë kapur gjatë ndjekjes nga shërbimet e Policisë.
Në përfundim të veprimeve, nga specialistët për Hetimin e Krimeve u bë arrestimi në flagrancë i këtij shtetasi, si dhe u sekuestruan në cilësinë e provës materiale arma e zjarrit tip TT dhe municioni luftarak.
Materialet procedurale në ngarkim të tij i kalojnë Prokurorisë së Rrethit Gjyqësor Pukë, për veprën penale “Mbajtja pa leje e armëve luftarake dhe e municionit”.
