Policia e Shkodrës ka arrestuar një person të dënuar për krime seksuale në Itali.
Në pranga ka rënë Arben Gorila 52 vjeç, banues në fshatin Barbullush të Vaut të Dejës.
Gjykata e Torinos e ka dënuar me 7 vite burg këtë shtetas, për veprën penale “Krime të rënda seksuale”.
Materialet iu referuan Prokurorisë së Shkodrës për veprime të mëtejshme.
Njoftimi i policisë
Shkodër
Kapet dhe ndalohet një tjetër person i shpallur në kërkim ndërkombëtar.
Operacioni, nga DVP Shkodër, në koordinim me Interpol Tiranën dhe Zyrën ndërlidhëse të Policisë italiane.
Nga forcat operacionale të DVP Shkodër, pas informacioneve të marra në rrugë operative, në bashkëpunim me Interpol Tiranën, u bë kapja dhe ndalimi, për qëllim ekstradimi, i shtetasit Arben Gorila, 52 vjeç, banues në fshatin Brabullush, Vau i Dejës.
Ndalimi i tij është bërë pasi ai ka qënë i shpallur në kërkim nga Zyra Qendrore e Interpolit në Tiranë, me Nr. 4178kl/1 Prot., datë 11.03.2020, ku rezulton se ky shtetas ka patur urdhër arresti, për ekzekutimin e vendimit të Gjykatës së Torinos në Itali, me Nr. 79 / 2020 SIEP, datë 20.02.2020, e cila ka dënuar me 7 vjet, 1 muaj e 7 ditë burg, për veprën penale “Krime të rënda seksuale”, sipas Kodit Penal italian.
Materialet iu referuan Prokurorisë Pranë Gjykatës së Shkallës së Parë Shkodër, për veprime të metejshme.
