I dënuari me burgim të përjetshëm, Dritan Dajti, ka dalur sërish nga burgu ku vuan dënimin për shkak të problemeve shëndetësore.
Pas daljen në muajin Janar nga ambjentet e burgut, për të shkuar në një klinikë dentare në zonën e ish-Bllokut, Dajti i është nënshtruar një operacioni ditën e sotme në QSUT.
Bëhet me dije se Dajti i është drejtuar Qendrës Spitalore Universitare (QSUT), për të hequr një gur në veshka.
Mësohet se ai është paraqitur në spital nën masa të rrepta sigurie. Operacioni është kryer brenda ditës dhe më pas Dajti është rikthyer sërish në spitalin e Burgut ku do të qëndrojë deri në momentin e rehabilitimit.Ndërhyrja ndërkohë është bërë në repartin e urologjisë ditën e djeshme, ndërsa sot Dajti ka lënë ambientet e spitalit.
Kujtojmë se për shkak të daljes së parë gjatë muajit janar nga qelia, gjë e cila shkaktoi një debat të madh publik, ministrja e Drejtësisë Etilda Gjonaj, bëri disa shkarkime në disa hallka drejtuese të Drejtorisë së Burgjeve.
Dritan Dajti, u dënua me burgim të përjetshëm nga Gjykata e Shkallës së Parë me akuzën e vrasjes në së oficerëve të policisë, Altin Dizdari, Kastriot Feskaj, Fatos Xhani dhe Sajmir Duçkollari,gjatë një operacioni policor për kapjen e tij në vitin 2009./GazetaReforma.com/
