Para disa ditësh Aqif Rakipi u shpall “non grata” nga Shtetet e Bashkuara të Amerikës.
Djali i tij deputeti Ornaldo Rakipi e ka mbrojtur në fjalën e tij në Kuvend duke thënë se do të apelohet vendimi i DASH.
Rakipi iu drejtua edhe ish-kreut të PD-së duke i thënë që ka hedhur baltë mbi imazhin e të atit dhe se ai nuk ka burrëri, duke shtuar se çdo aktivitet i tij mund të hetohet.
“Nuk ka detyrim më të madh sa ky që ta justifikoj këtë besim bujar, dua të sqaroj qytetarët sa i përket aktit të DASH, im atë po ndërrmet çdo hap për të marrë drejtësi, vlerësojmë ambasadën amerikane, por vendimi i tyre ka lë mundësi apelimi.
Kam një fjalë për Lulzim Bashësn, mos mallko suksesin tjetër, por politika është takime me njerëzit, prandaj ke dështuar se nuk arritje që të marrësh besimin e njerëzve se je fals dhe je materialist, kur gjendesh atyre në ditë të vështira, kur kanë një problem, kur nuk i dëgjon ksuh, babi im bëhet copash për të ndihmua një njeri në nevojë, babai im ndryshe nga ti ka burrni.
sa për akuzat ju ftoj ju, mediat, të hetoj aktivitetin tim, që nga momenti i angazhimi deri tani, nuk do humb asnjë sekondë, do e justifikojë besimin e shqiptarëve”, u shpreh deputeti Orlando Rakipi.
Theksojmë se duke qenë pjesë e familjes së Aqif Rakipit, djalit të tij Orlando Rakipit gjithashtu i ndalohet hyrja përgjithmonë në SHBA si dhe i ngrijnë asetet apo pasuritë që ai mund të ketë në Shtetet e Bashkuara të Amerikës.
“Aqif Rakipi (Rakipi) është një ish-deputet famëkeq nga Elbasani, Shqipëri, i cili ka ndikim të dëmshëm dhe destabilizues në proceset politike në Shqipëri. Grupe të shumta të krimit të organizuar (GKO) në Shqipëri kanë ofruar para, dhurata ose premtime për vende pune apo lëshime në këmbim të votave për partinë e tyre të preferuar politike”, thuhej ndër të tjera në deklaratën e SHBA për të shpallur Aqif Rakipin “non grata”
