Hungaria është vendi i parë i Bashkimit Evropian që miraton për përdorim emergjent vaksinën e koronavirusit CanSino Biologics të Kinës dhe CoviShield, versioni indian i vakisnës AstraZeneca. Infeksionet e reja po rriten në Hungari në një valë të tretë të pandemisë, edhe pse importi i vaksinave dhe nivelet e përdorimit janë ndër më të lartat në BE me vendin që përdor vaksinat kineze dhe ruse si dhe ato perëndimore.
Nëse të dy vaksinat e reja miratohen gjithashtu për përdorim masiv nga Qendra Kombëtare e Shëndetit, Hungaria do të ketë shtatë burime nga të cilat mund të sigurojë vaksina. Ishte e paqartë se kur dhe në çfarë sasie planifikonte Hungaria të vendoste vaksinat e sapo autorizuara, ose si kishte planifikuar t’i blinte ato.
“Ne jemi në një garë me kohën”, tha kryekirgurgia Cecilia Muller në një konferencë për shtyp. “Ne do të përmbysim të katër anët e botës për sa më shumë doza të vaksinave të duhura, efikase dhe të sigurta.”
Shkalla e shtrimit në spital është në nivele rekord, dhe madje siç Kryeministri Viktor Orban të Premten tha se sistemi shëndetësor do të përballej, disa spitale janë aq të mbingarkuara nga fluksi i pacientëve saqë ata po kërkojnë vullnetarë të pastërvitur për të ndihmuar.
Vala e tretë që përhapet paraqet një sfidë të madhe për Orban, i cili tha se masat e vështira të bllokimit mund të fillojnë të lehtësohen pasi shifra e vaksinimit të arrijë 2.5 milion njerëz, ose një e katërta e popullsisë. Orban do përballet me zgjedhje në vitin 2022.
