Ikona e kinematografisë shqiptare Rikard Ljarja ka ndërruar jetë mbrëmjen e sotme në moshën 77-vjeçari.
Mësohet se aktori i njohur vuante prej kohës nga një sëmundje e rëndë, e cila i mori edhe jetën, teksa familja e tij ka njoftuar të gjithë miqtë dhe dashamirësit, se ceremonia për shkak të situatës do të bëhet vetëm me rrethin e ngushtë familjar në Shkodër.
Rikard Ljarja lindi në Shkodër më 1 prill të vitit 1943 në Shkodër. Në vitin 1960 mbaroi maturën në Shkodër kurse në vitin 1965 u diplomua në Shkollën e Lartë të Aktrimit “A. Moisiu”, Tiranë.
Për tetë vite, pas diplomimit, punoi si aktor në teatrin “Migjeni” në Shkodër për t’u angazhuar më pas edhe në filma.
Aktori ka lënë gjurmën e tij në filmat: Pesha e kohës – (1988), ku luante rolin e Vasilit; Radiostacioni – (1979); Komisari i dritës – (1966) apo Rrugë të bardha – (1974) ku luajti rolin që e identifikoi për publikun shqiptarë, atë të elektiçistit Dedë. Megjithatë filmi më i rëndësishëm për të ka qënë “Në pyjet me borë ka jetë”, ku edhe u njoh me bashkëshorten e tij, aktoren Marjetën.
Pas lajmit të trishtë kanë reaguar edhe shumë figura të njihura, si Mevlan Shanaj, apo Natasha Lako, të cilët kanë shprehur dhimbjen e tyre për humbjen e madhe.
Kujtojmë se disa ditë më parë u nda nga jeta legjenda e humorit Gëzim Kruja dhe kështu arti shqiptar brenda pak ditësh ka humbur dy ikona dhe të dy nuk morën nderimet e duhura për në banesën e fundit.
