Lionel Messi u përjashtua ndërsa Barcelona u mposht mbrëmjen e kaluar me rezultatin 3-2 nga Athletic Bilbao në finalen e Super Kupës spanjolle. Skuadra e Ronald Koeman humbi finalen e tyre të parë të sezonit dhe kapiteni i tyre humbi toruan në kohën shtesë kur më pas u përjashtua nga loja. Ishte kartoni i parë i kuq i Messit për Barcelonën dhe vetëm i treti në karrierën e tij futbollistike.
Kapiteni argjentinas nuk mundi dot të tregonte sakrificën e një kapiteni të vërtetë, ndërsa nervat e tij u shfryn te kundërshtari Villalibre i cili goditi me shpullë në sekondat e fundit të shtesës dhe më pas gjyqtari Jesus Gil Manzano nuk kishte mundësi tjetër veçse të nxirrte kartonin e kuq, i cili rezultoi fatal për Barcelonën.
Ky ishte kartoni i parë i kuq në karrierën e argjentinasit për gjest antisporti. Kartoni i parë i kuq daton me gushtin e largët të vitit 2005, kur Messi debutonte me kombëtaren e Argjentinës. Një gjest i dhunshëm është konsideruar në Spanjë veprimi i argjentinasit. Marca raporton se ylli argjentinas pritet të pezullohet me 4 ndeshje, të cilat më pas do të ndikojnë shumë jo vetëm te Barcelona por edhe paraqitja e Messit te kombëtarja e tij Argjentina.
