Rey Manaj ka reaguar pas penalltisë së humbur në përballjen dramatike ndaj Serbisë.
Sulmuesi i Kombëtares shqiptare, përmes një postimi në rrjetet sociale, shpreh keqardhjen për momentin vendimtar të ndeshjes dhe kërkon falje ndaj tifozëve kuqezi.
“Ju kërkoj ndjesë të gjithë tifozëve shqiptarë, bashkëlojtarëve dhe stafit. Ju siguroj që kjo ndjesi nuk më lë rehat dhe do ta përdor si forcë për të ardhur më i fortë, më i përqendruar dhe më i vendosur”, shkruan Manaj, duke premtuar se do të rikthehet më i motivuar se kurrë.
REAGIMI I MANAJT PAS HUMBJES SE PENALLTISË:
“Sot ndjej një dhimbje të madhe që nuk mund ta shpjegoj me fjalë.
E di sa shumë prisnin shqiptarët nga kjo ndeshje dhe e di sa rëndësi kishte ajo për të gjithë ne. Më vjen thellësisht keq për penalltinë që humba. Si sulmues gjithmonë marr përgjegjësinë përpara portës, dhe nuk arrita të bëj atë që duhej. Ju kërkoj ndjesë të gjithë tifozëve shqiptarët, bashkëlojtarëve dhe stafit. Ju siguroj që kjo ndjesi nuk më lë rehat dhe do ta përdor si forcë për të ardhur më i fortë, për i përqëndruar dhe më i vendosur.
