Para një jave një ngjarje e rëndë ndodhi në Qerret të Kavajës, ku 4 turistë, 2 burra dhe 2 gra, u gjetën të vdekur, brenda një saune në hotelin me 5 yje.
Ngjarja akoma nuk është zbardhur plotësisht dhe ka disa pista hetimi. Kujtojmë që Ambasada Ruse tregoi një interes të lartë duke i kërkuar palës shqiptare të bëjë një hetim të plotë.
Shqipëria po përpiqet të zbërthejë arsyet e vdekjes së njëkohshme të katër turistëve rusë.
Ndërkohë trupat e turistëve rusë të cilët humbën jetën janë tërhequr nga morgu i Tiranës.
Burime për mediat bëjnë me dije se trupat e tyre u tërhoqën nën prezencën e e përfaqësuesve të ambasadës ruse rreth orës 01:00 pas mesnate.
Viktimat ishin çiifti i bashkëshortëve Nataliia dhe Sergei Burenkov përkatësisht 58 dhe 60 vjeç, vajza e tyre Ekaterina Burenkova, 31 vjeçe dhe partneri i saj Nikita Belousov, 37 vjeç
Turistët ishin pjesë e grupi rusësh dhe ukrainasish që kishin zgjedhur Shqipërinë për të kaluar pushimet këtë vjeshtë, por fatkeqësisht gjetën vdekjen. Së bashku me miq të tjerë, ata kishin qenë në Ohër të Maqedonisë së Veriut ku dhe kishin drekuar, ndërsa darkën kishin vendosur që ta kalonin në kompleksin turistik.
Madje gjatë ditës, ata kishin rezervuar me telefon dhomën e saunas me xhakuzi që ndodhet në katin e nëndheshëm të hotelit.
